• Şikayət et

G7 ölkələri 2027-ci ilə qədər infrastrukturun inkişafına 600 milyard dollar cəlb edəcək

G7 ölkələri infrastrukturun inkişafını əhatə edən yeni proqrama başlayırlar. Rusiyanın “Kommersant” qəzetinin Ağ Evin mətbuat xidmətinə istinadən yaydığı xəbərdə bildirib ki, G7 ölkələri 2027-ci ilə qədər yoxsul ölkələrin infrastrukturuna 600 milyard dollara qədər sərmayə qoymağı planlaşdırırlar. Proqram Çinin “Bir kəmər, bir yol” proqramı ilə rəqabət aparacaq. “Prezident Bayden və G7-yə daxil olan digər ölkələrin başçıları inkişaf etməkdə olan ölkələrdə infrastruktur boşluqlarını aradan qaldırmaq, qlobal iqtisadiyyatı və təchizat zəncirlərini gücləndirmək və ABŞ-ın milli təhlükəsizlik maraqlarını inkişaf etdirmək üçün qlobal infrastruktur və iİnvestisiya tərəfdaşlığını rəsmən işə salırlar. Bu tərəfdaşlıq çərçiovəsində inqilabi layihələr həyata keçiriləcək”, - Ağ Evin saytında dərc olunmuş memorandumda deyilir. Memoranduma əsasən, ayrılan maliyyələşmə iqlim və enerji təhlükəsizliyi, rəqəmsal rabitə, səhiyyə və tibbi təhlükəsizlik, gender bərabərliyi kimi layihələrə yönəldiləcək. ABŞ-ın qənaətinə görə, bu layihələr iqtisadiyyatın əsas sektorlarını inkişaf etdirəcək.

“Reuters”in şərhində bildirildiyi kimi, Çinin “Bir kəmər, bir yol” proqramı əsasən dövlət vəsaitləri hesabına maliyyələşdirildiyi halda, G7 ölkələrinin yeni proqramı çərçivəsində investisiyaların əsas hissəsi özəl investorların payına düşəcək. Bundan əlavə, proqram qrantlar və federal fondlar hesabına da maliyyələşdiriləcək.

Mənbə:
0
143
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar